樓價升唔停 網民：最揼心無買咩屋苑？

近日本港二手樓價繼續上漲，不少網民恨錯難返，一世人有咩屋苑由谷底回彈得最多？

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

網民話，例如以前買入「心懭神怡」的日出康城俾人笑，但而家區內樓價屢創新高。其實，如「MALIBU」高層537方呎的兩房單位，近日以1068萬元賣出，呎價逼近2萬元。原業主於2018年用909萬元買入，而家轉手帳面賺158.7萬元或17%。

有網民認同，日出康城是近年升幅最多地區之，料未來兩房要由1,000萬元起跳。不過，其他地區都有不俗升幅，好似大西北屯門等地。

今日樓價同當時樓價，真係今非昔比，咁又有咩屋苑令網民最後悔無買？

淘大花園平到55萬元

有網民想到「淘大花園」在2003年沙士期間，2房單位曾跌至谷底55萬元，當時其他中低層單位沙氏價只不過是100萬元有交易，而家淘大一般兩房成交價要670萬元，而最近兩房頂層連天台特式單位，更飊升至832萬元的破頂價。

荃灣西5球有兩房

有網民提到荃灣西的「全．城匯」當年低價開賣，如果一早買咗都唔錯，因為位置近荃灣西站，交樓質素又有保證，而家樓價仲升咗唔少。

睇番係2017年「全．城匯」開賣折實平均實呎14,449元，入場費最低單位為427呎的兩房單位，折實價540萬元，折實呎價12,656元，當時算係平絕荃灣區新樓，而家兩房成交價已急升至900多萬元。

寶翠園3球有交易

有網民後悔2008年冇買港島西大型豪宅「寶翠園」，於 2003年吼「寶翠園」用 300萬元已有交易，屋苑由信德、新地、新世界發展、廖創興企業合作發展，分別於2000年12月及2001年12月入伙。

最強賣點是鄰近港鐵香港大學站，而項目基座更有大型商場｢西寶城｣，目前屋苑叫價已升至1650萬元至5800萬元。