【多圖】睇樓逐呎度：東環重返七十年代

任何設計都「有辣有唔辣」，好似今次《睇樓逐呎度》參觀嘅東涌新入伙大型屋苑東環，重返七十年代全屋無窗台設計嘅時代，工工整整唔嘥位，感覺亦與窗外景色更貼近。不過，呢種設計就無咗好多放雜物、放盆栽、當坐椅，甚至係晾衫或者放訂造床嘅空間，咁究竟好唔好使？真係見仁見智囉。

今次走訪東環嘅三房套房單位，實用面積644方呎，主人房特大，面積接近100方呎，擺位完全冇難度；而且單位開則四正，長形大廳面積逾165方呎，不設玄關位，長17.89呎，闊9.23呎，地方闊落。至於客廳外連落地玻璃趟門通往露台，加上樓底高逾10呎，採光度極高，但係要留意嘅係，露台面積只有逾15方呎，地方略嫌淺窄囉！

大門口左方嘅廚房，長8.87呎，闊近5呎，配置廚櫃後下廚空間仍然充裕。寢區開則歸一，設於廳堂右方，最大賣點係主人套房地方寬敞，長12.42方呎，面積近百方呎，放置大床後仍可兩邊落床，空間感十足，而套房浴室面積35方呎。

值得一提嘅係，全屋採用「零」窗台設計，用盡室內空間，加上廳房坐向一致，方便住戶欣賞室外景致。3個睡房由一條長達10.5呎走廊所連接，已經算係成個單位最嘥位嘅地方。

東環偏離港鐵東涌站，但商場及會所配套齊全，去年底入伙後租務市場活躍。利嘉閣劉景駿表示，今年年初最旺，曾有月份錄逾二百宗租賃成交，惟隨着盤源消化，現時只剩30餘個租盤，租金亦穩步上揚。是次走訪單位屬於海景戶型，同類放盤月租最平1.8萬元，平均呎租約28元，海景更開揚嘅高層單位則叫2萬元。

─ ─ ─ ─ ─ ─

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

遊戲下載： https://goo.gl/7JP2hm

東網已全面支援360影片及相片，讓你全方位睇盡新聞大事，恍如置身現場，立即登入東網360專頁：http://on.cc/360vr/

香港樓市日日新鮮，話題多多，想睇晒最update樓市新聞短片，即刻click入http://bit.ly/1M2kP95